шекараны күзету кезінде қару қолдану


шекараны күзету кезінде қару қолдану
Қазақстан Республикасының Мемлекеттік шекарасын күзетуді жүзеге асырушы шекара әскерлері мен Әуе шабуылына қарсы қорғаныс әскерлері қару мен ұрыс техникасын:
– Қазақстан Республикасының аумағына қарулы шабуыл жасауға және қарулы басып кіруге тойтарыс беру, Мемлекеттік шекарада қарулы арандатуға тыйым салу үшін; – шекара әскерлерінің бөлімшелеріне, Әуе шабуылына қарсы қорғаныс әскерлеріне қарулы шабуыл жасауға тойтарыс беру үшін; – Қазақстан Республикасының Мемлекеттік шекарасынан заңсыз өткен және қарулы қарсылық көрсеткен адам-дарға, теңіз (өзен) кемелеріне, әуеде ұшу аппараттарына қарсы; – әуе және теңіз (өзен) кемелерін айдап әкетуге жол бермеу үшін; – Мемлекеттік шекараны күзету жөніндегі қызмет міндеттерін немесе қоғамдық борышын орындап жүрген әскери қызметшілерге, басқа да адамдарға жасалған шабуылға, олардың өміріне тікелей қатер төнген кезде оған тойтарыс беру үшін; – азаматтарды, олардың өмірі мен денсаулығына қатер төндіретін шабуылдан қорғау, сондай-ақ кепілге алынғандарды босату үшін қолданылады; қарулы басып кіруге тойтарыс беру үшін тұтқиылдан қарулы шабуыл жасап қарулы қарсылық көрсеткен кезде, ұрыс техникасын пайдаланып шабуыл жасаған кезде ұсталған адамдардың тартып алынған қарумен қашып кетуі кезінде қару ескертусіз қолданылуы мүмкін. Басқа реттерде қару қолданардың алдында оны қолдану ниеті туралы ескерту жасалуға және ескерту мақсатында оқ атылуға тиіс. Қазақстан Республикасының Мемлекеттік шекарасын күзету кезінде қажет болған жағдайларда Қазақстан Республикасының Қарулы Күштері басқа түрлерінің қаруы мен ұрыс техникасы қолданылуы мүмкін. Шекара әскерлерінің әскери қызметшілері Мемлекеттік шекараны күзету жөнінде қызмет атқарған кезде дабыл белгісін беру немесе көмек шақыру үшін қару қолдануға құқылы.

Казахский толковый терминологический словарь по военному делу. — Мектеп.